|
|
Sjúkdómar og meindýr
Sigurgeir Ólafsson plöntusjúkdómafræðingur Plöntueftirlitsins annast eftirlit með innflutningi og útflutningi plantna og útrýmingar- og aðhaldsaðgerðir gegn tilteknum skaðvöldum. Af skaðvöldum sem reynt er að takmarka útbreiðslu á má nefna hringrot og hnúðorm í kartöflurækt og blómakögurvængju og gangaflugu í gróðurhúsum.
Halldór Sverrisson, plöntusjúkdómafræðingur, sem áður tilheyrði plöntusjúkdómadeild er nú sérfræðingur á jarðræktarsviði, sinnir almennum rannsóknum á plöntusjúkdómum og hefur m.a. sérhæft sig í trjásjúkdómum og unnið með Rannsóknastöð Skógræktar ríkisins á Mógilsá, þar sem Guðmundur Halldórsson annast rannsóknir á meindýrum í trjám og runnum.
Til Halldórs skal leita með þjónusturannsóknir á sýktum plöntum. Á jarðræktarsviði starfar einnig Jón Guðmundsson sem er sérfræðingur í illgresi og illgresiseyðingu. Bjarni Guðleifsson á búrekstrarsviði á Möðruvöllum í Hörgárdal er sérfræðingur í jarðvegslífverum og kali túna.
|
|
|