|
|
Dráttarvélahjólbarðar
Atriði varðandi eiginleika og notkun.
Hjólbarðar með 65% mynstur (þ.e. hæð barðans í hlutfalli við breiddina) eru gerðir til að bera mikinn þunga með tiltölulega lágan loftþrýsting. Kosturinn við þessa gerðir hjólbarða er minni þungi á flatareiningu á ökrum og þar af leiðandi minni þjöppun jarðvegs. Að auki næst hagstæðara hlutfall af dráttarafli miðað við þunga vélar. Hins vegar er mótstaða hjólbarðanna á vegum meiri og hann því þyngri í akstri (meiri mótstaða). Rannsóknir hafa sýnt að ríflega 20% meira dráttarátak (spyrna) næst í hlutfalli við 80% mynstur á hjólbörðum
Aukið dráttarátak (hlutfallslegt) hefur í för með sér að nýting og afköst tækja sem byggja á dráttarátaki aukast og þar verða færri vinnustundir á hektara.
Við akstur á vegum er æskilegt að nota hjólbarða með mikla burðargetu en sem minnst viðnám. Burðargetan eykst með því að auka loftþrýstinginn í hjólbörðunum en jafnframt minnkar viðnámið á veginum. Einnig er möguleiki í þeim tilvikum að nota stífari hjólbarða eins og t.d. eru á vöruflutningabifreiðum.
Til að koma til móts við þessi ólíku sjónarmið gagnvart akstri á ökrum og á vegum er mikilvægt að vera með sem heppilegastan loftþrýsting í hverju tilviki. Við akstur á vegum t.d. á 30 km/klst hraða þarf þrýstingurinn að vera meiri en við jarðvinnslu þar sem ekið er á 5-10 km/klst hraða.
Dæmigerður þrýstingur í hjólbörðum gæti því verið:
- 1,0-1,5 bör (15-22 p.s.i) við akstur á velli, (túnum,flögum)
- 1,5-2,0 bör (22-30 p.s.i) við akstur á föstu undirlagi, (vegum).
Tilteknar hjólbarðagerðir t.d. tvöfaldir (twindæk) og torfæruhjólbarðar (terradæk) og fl. má aka með loftþrýstingi undir 1,0 bari. Hafa ber þó í huga að burðargeta barðanna minnkar verulega við minni loftþrýsting og/eða aukinn ökuhraða.
Grétar Einarsson
Bútæknideild Rala
Heimild. Landbrugets Rådgivningscenter, Danmörku
|
|
|