Samþykktarbreytingar voru lagðar fram og kynntar.

Framkvæmdastjóri fór yfir breytingarnar og kynnti fyrir fundarmönnum. Meginbreytingin er upptaka aldurstengdra réttinda og breyting lífeyrisréttindaákvæða til samræmis. Sú leið sem farin er hjá Lífeyrissjóði bænda er hin svokallaða milda leið og er megininntakið eftirfarandi.

•Réttindi háð aldri greiðandi sjóðfélaga.
•Því yngri sem greiðandi sjóðfélagi er þeim mun hærri réttindi fær hann.
•25 ára og eldri greiða að hluta áfram í jafna réttindaávinnslu skv. sérstökum reglum.

Helstu breytingarnar eru í 5. og 8. grein og 10. til 14. grein.

Fram kom fyrirspurn frá Sigurgeiri varðandi skerðingarmál öryrkja, hvað væri nákvæmlega verið að gera sem breytti svona miklu hjá þessum hópi núna.

Formaður skýrði frá því að örorkulífeyrir væri orðin svo stór hluti greiðslna úr lífeyrissjóðunum að endurskoða hefði þurft skilyrði fyrir greiðslu hans. Hún gat þess að samkvæmt lögum og samþykktum lífeyrissjóðanna þyrfti öryrki að hafa orðið fyrir tekjuskerðingu af völdum örorkunnar til þess að eiga rétt á greiðslu örorkulífeyris frá lífeyrissjóðum. Í tekjukönnunum hingað til hafa greiðslur frá almannatryggingum ekki verið teknar með í útreikninga hjá sjóðunum. Nú er verið hins vegar verið að breyta þessu þannig að tekið sé tillit til þeirra.

Formaður þakkaði gestum fyrir komuna.


Fundi slitið kl. 15:45