|
Frá aðalfundi Samtaka hrossabænda í A-Hún 2007
Aðalfundur Samtaka hrossabænda í A-Hún var haldinn sunnudagskvöldið 25. mars síðastliðinn. Á fundinum var m.a. rætt um kynbótasýningar í vor, skýrsluhaldið í hrossaræktinni, ungfolaskoðanir, rekstur Reiðhallarinnar og nýafstaðna og vel heppnaða Stórsýningu húnvetnskra hestamanna. Samtökin voru rekin með um 240 þús kr hagnaði á síðasta ári.
Herdís Reynisdóttir kennari við Háskólann á Hólum hélt fróðlegt erindi um “ Skap, skynjun og eðli hrossa “ og sköpuðust líflegar umræður í kjölfar þess.
Á fundinum lét Björn Magnússon á Hólabaki af formennsku í Samtökunum og voru honum þökkuð vel unnin og óeigingjörn störf á liðnum árum. Í hans stað var Magnús Jósefsson í Steinnesi kosinn formaður en nýr maður í stjórn er Valur Valsson á Blönduósi. Auk þessara eru í stjórn Ægir í Stekkjardal, Jón Kristófer á Hæli og Gunnar á Þingeyrum.
Í sumar verða á vegum Samtakanna stóðhestarnir Borði frá Fellskoti, Kaspar frá Kommu, Galsi frá Sauðárkróki og Gammur frá Steinnesi
Til baka
|