|
Búnaðarsamtök Vesturlands
|
Nautgriparæktin 2008
Þórður Pálsson
Á svæði Búnaðarsambandsins eru nú 52 mjólkurframleiðendur, 46 bú í skýrsluhaldi og 6 bæir utan skýrsluhalds. Af þessum 46 sem eru í skýrsluhaldi eru 28 að skila mjólkurskýrslum í Huppu, hinu nýja skýrsluhaldsforriti í nautgriparækt. Huppan er nú rúmlega ársgömul um þessar mundir. Mikil auka vinna hefur orðið til í kringum innleiðingu Huppunnar. Jafnframt því að nýtt skýrsluhaldskerfi var tekið í notkun var hætt að senda suður til skráningar þær skýrslur sem koma á pappír frá bændum. Við innleiðingu Huppunnar hafa komið upp ýmis vandamál þannig að upplýsingar til bænda hafa oft á tíðum verið seinar að skila sér til þeirra. Til dæmis hefur ekki verið reiknað að fullu nýtt kynbótamat fyrir kýrnar á þessu ári og er það nokkrum mánuðum seinna en venjulega.
Námskeið voru haldin þar sem Magnús B. Jónsson nautgriparæktarráðunautur, Sveinbjörn Eyjólfsson, Gunnfríður Hreiðarsdóttir og Berglind Ósk Óðinsdóttir héldu fyrirlestra um nautgriparækt, skýrsluhald og fóðrun.
Á árinu var tekin upp sú nýbreytni að ráðunautar skoðuðu kýr á sínum svæðum en fram til þessa hafði landsráðunautur farið í yfirferð og dæmt kýr á öllu landinu. Í heildina gengu dómastörf vel og dæmdar voru 360 kýr sem er nýtt met. Hæst dæmdu kýrnar á svæðinu eru :
• Drífa 305 Neðri Torfustöðum 88 stig
• Snekkja 295 Tannstaðabakka 88 stig
• Gata 242 Stóra-Búrfelli 88 stig
Afurðir á svæðinu á síðasta ári voru 5389 kg /árskú prótein 3,38 og fita 4,13.
1341,3 árskýr koma á skýrslu en heilsárskýr voru 931. Þetta eru nokkru minni afurðir heldur en voru árið áður.
Afurðahæstu búin 2008
Afurðahæstu kýrnar 2008
Gæðastýring í mjólkurframleiðslu var innleidd nú í upphafi árs 2009 þar sem bændum er greitt fyrir að skila mjólkurskýrslunum sínum á réttum tíma, hafa ákveðinn standard á gæðum skýrslanna og taka 5 mjólkursýni úr hverri kú yfir árið. |
|
|